ZELAIETA - OZOLLO - SAN LORENTZO - OZOLLO
Gautegiz Arteagako udaletxetik aterako gara, Herriko Taberna aurrean dagoen autobus geltokitik bidea gurutzatu zeta beherantz doan bidea hartuko dugu. Ezker aldean utziko dugu plazatxo txiki bat aurrealdean Arteagatarren gaztelu zaharraren hondarrekin aurkituko garelarik. Hondar hauen eskuma aldean gaur egun luxuzko txoko bihurtuta dagoenzalditegi zaharra ikusi daiteke. Hiriko parkea igaro ondoren gaur eguneko gaztelura iristen gara, jatetxe eta ostatu bezala erabiltzeko berreratua dagoena. 1860an bukatu zen gazteluaren eraikuntza.

Arteagako gaztelurantz jarraituz, Ozollo auzune ederrera jaisten den bidea hartuko dugu. Ozollo nekazal turismoaren aurretik igaro eta zelai hezeetan barneratuko gara. Padura aldera doan bidea jarraituz zubi txiki bat igaroko dugu. Hemendik Errota Txiki marea errotaren hondarreak ikusi daitezke. Eskumara egiten duen bidea jarraituz Portu errotaren uharkara irizten gara (ondo kontserbaturiko Bizkaiko mare errota bakarra). Bigarren zubia eta gero San Lorentzo baseliza doan bidea hartuko dugu. Hemen barneko padurez paisaia izugarriaz gain, erromatar aurreko leiho bat ere ikusi dezakegularik, gaur egungo baselizaren arkitekturaren aurrekoa. Gaur eguneko eraikina XVI. mendeko era errenazentistakoa da.

Baseliza atzean utziz bide nagusira doan aldapa hartuko dugu. Bide ondotik aurrera 150 metrotara eskumara joko dugu Zelaieta auzora. Ondoren,Portu auzunera jaisten den bidea hartuko dugu. Hau bere izenak dioen bezala, pertsonen eta materialen hustuketarako erabiltzen bai zen orain dela gutxi arte.Azkenen baserritik eskumako bidea hartuko dugu Ozollo auzunera zuzentzeko eta ibilbidea hasi dugun tokira bueltatzeko.